2011-05-03
Prada係惡魔？意大利名牌Prada盛傳今個夏天香港上市，兩年前無辜被炒日本分社高級經理Rina，最近搵新婦女協進會幫手，話要踢爆Prada兩年前惡行。09年5月Rina聲稱被高層要求佢炒15個又老又肥又醜樣職員，同時逼Rina減肥，嬲到震Rina投訴到總公司之後卒之被炒。同年Rina告上東京地方法院，單caseo依家仲未審完，佢打算7月來港開記招大踢爆。
被指歧視女人
新婦女協進會噚日同關注婦女權益組織，一行十幾人到Prada廣東道分店外抗議，上演街頭劇抗議Prada「賺女人錢、歧視女人」，當場踩爛紙紮手袋，又向途人派「Prada是惡魔」單張。代表將請願信交畀Prada員工代表，要求對方快回應有關指控，交代公司係咪有反歧視和性騷擾政策同指引，同時要求港交所將企業性別歧視情況，納入批核上市條件之一。
Prada發聲明反咬Rina指控失實，講明公司請人同外表、年齡、種族無關，一切會等法院判決。